حیدرآباد: بھارت کے پرانے شہر میں آوارہ کتے نے ایک معصوم بچے پر وحشیانہ حملہ کرکے شدید زخمی کردیا جس کی فوٹیج بھی سامنے آگئی۔
بھارتی میڈیا رپورٹ کے مطابق پرانے شہر حیدرآباد میں کتے کے حملے میں 6 سالہ معصوم بچہ شدید زخمی ہو گیا، بچہ اپنے علاقے میں کھیل رہا تھا اس دوران کتے نے حملہ کردیا۔
دل دہلا دینے والی فوٹیج میں دیکھا جاسکتا ہے کہ اچانک ایک کتا بچے کے پیچھے پڑ گیا، حملہ کر کے لڑکے کو زمین پر گرایا ساتھ ہی اسے بار بار گھسیٹتے ہوئے بھی دیکھا جاسکتا ہے۔
A minor boy who was walking on the road in Nandi MusalaiGuda under BahadurPura PS was suddenly attacked by a dog and seriously injured. Seeing this, the locals immediately removed the dog from there and rushed the boy to the hospital.Doctors say the boy's condition is critical. pic.twitter.com/ucSpIBRDHl
— Reporter shabaz baba (@ShabazBaba) November 27, 2023
رپورٹ کے مطابق اس حملے میں بچہ شدید زخمی ہو گیا جسے علاج کے لیے قریبی اسپتال منتقل کیا گیا، شہریوں نے حکام سے مطالبہ کیا ہے کہ وہ آوارہ کتوں کو پکڑنے کے لیے خصوصی مہم چلائے تاکہ دوبارہ کوئی اور بچہ اس طرح حادثے کا شکار نہ ہو۔
