کون کہتا ہے کہ ڈاکو کورونا سے خوف زدہ نہیں؟ مہلک وبا سے بچاؤ کے لیے ایس او پیز کا خیال رکھتے ہوئے بھارت میں ڈاکوؤں نے پورے کورونا پروٹول کے ساتھ جیولری کی دکان لوٹ لی۔
بھارتی میڈیا کے مطابق ڈکیتی کی یہ انوکھی واردات ریاست اترپردیش کے علاقے علی گڑھ میں پیش آئی جہاں دن دیہاڑے ڈاکوؤں نے بے خوف و خطر جیولری شاپ لوٹ لی۔
واردات کی سی سی ٹی وی فوٹیج سامنے آئی ہے جس میں دیکھا جا سکتا ہے کہ جمعہ کی دوپہر تین ڈاکو ماسک لگائے جیولری شاپ میں داخل ہوئے اور ہینڈ سینٹیائرز کرنے کے بعد اسلحہ نکال لیا۔
Three men *
— Alok Pandey (@alok_pandey) September 11, 2020
ڈاکوؤں نے منٹوں میں ہی سونا، نقدی اور دیگر قیمتی سامان لوٹ لیا جس کی مالیت 40 لاکھ روپے بتائی جاتی ہے۔
ویڈیو سامنے آنے کے بعد پولیس نے واقعے کا مقدمہ درج کرلیا ہے اور ملزمان کی شناخت کرکے ان کی تلاش شروع کر دی ہے۔
کورونا ایس او پیز کے تحت فیس ماسک کی آڑ میں ڈکیتی اور راہزنی کی واردتوں میں اضافہ دیکھنے میں آیا ہے اور ماسک کی وجہ سے چہرہ چھپنے سے ملزمان کی شناخت میں بھی مشکلات کا سامنا ہے۔