کراچی: شوبز انڈسٹری کے معروف اداکار شہروز سبزواری کی بیٹی نورے شہروز کے ہمراہ خوبصورت ویڈیو وائرل ہوگئی۔
پاکستانی ڈرامہ انڈسٹری کے معروف اداکار شہروز سبزواری کی بیٹی نورے شہروز کے انسٹاگرام اکاؤنٹ پر ویڈیو شیئر کی گئی جسے مداحوں کی جانب سے خوب سراہا جارہا ہے۔
ویڈیو میں دیکھا جاسکتا ہے کہ نورے شہروز نے بالوں کو ڈائی کیا ہوا ہے، شہروز سبزواری نے بھی بیٹی کے بالوں کے کلر کی طرح اپنے بال کی ڈائی کررکھے ہیں۔
ننھی نورے شہروز کا کہنا تھا کہ دیکھیں ہم نے بالوں کو کلر کیا ہوا ہے، بابا نے بھی بالوں کو اسی طرح کا کلر کیا ہے۔
انسٹاگرام ویڈیو میں شہروز سبزواری بیٹی سے محبت کا اظہار بھی کررہے ہیں۔
واضح رہے کہ اس سے قبل نورے شہروز کی بابا کے ساتھ فادرز ڈے کا جشن منایا تھا جس کی ویڈیو سوشل میڈیا پر وائرل ہوگئی تھی۔
یاد رہے کہ شہروز سبزواری اور سائرہ یوسف کے درمیان علیحدگی ہوچکی ہے، جبکہ شہروز سبزواری نے ماڈل صدف کنول سے دوسری شادی کرلی ہے۔
سائرہ یوسف اور شہروز سبزواری کی ایک ننھی بیٹی نورے شہروز بھی ہے۔
