پاکستان تحریک انصاف کی رہنما اور سینئر سیاستدان ڈاکٹر فردوس عاشق اعوان نے انکشاف کیا کہ وہ اپنے فارغ وقت میں تفریحی سرگرمیاں کرنا پسند کرتی ہیں۔
سینئر سیاست دان اور سابق وزیر ڈاکٹر فردوس اے آر وائی ڈیجیٹل کی رمضان اسپیشل ٹرانسمیشن ’شان سحر‘ میں میزبان ندا یاسر کے شو میں شرکت کی۔
ندا یاسر نے ان سے پوچھا کہ وہ کونسی چیز یا مشغلہ ہے جو آپ کو بہت پسند ہے، جس پر ڈاکٹر عاشق اعوان نے کہا کہ میرا سب سے پسندیدہ مشغلہ کرکٹ دیکھنا ہے، دنیا میں کہی بھی کرکٹ ہو میں وقت نکال کر اسکور دیکھ لیتی ہوں۔
ڈاکٹر اعوان نے انکشاف کیا کہ میں ایک ایسے گھر سے تعلق رکھتی ہیں جہاں لڑکیوں کو باہر جانے کی اجازت نہیں ہوتی، میں اسکول جانے والی اور پیشہ ورانہ تعلیم حاصل کرنے والی خاندان کی پہلی خاتون تھیں۔
انہوں نے بتایا کہ ہمارے خاندان کی لڑکیوں کو کبھی تعلیم حاصل کرنے کی اجازت نہیں تھی۔ اس لیے مجھے یہ اعزاز حاصل ہے کہ میں خاندان کی پہلی بیٹی ہوں جو اسکول گئی، پھر ہائی اسکول، اور پھر میڈیکل کالج اور یہ سارا کریڈٹ میری ماں کو جاتا ہے۔
