کراچی : ایم کیو ایم پاکستان کے رہنما مصطفی کمال کے بعد گورنر سندھ کامران ٹیسوری کی بات چیت کی مبینہ آڈیو بھی لیک ہوگئی۔
تفصیلات مطابق رابطہ کمیٹی اجلاس میں گورنر سندھ کامران ٹیسوری کی بات چیت کی مبینہ آڈیو بھی لیک ہوگئی، اس سے قبل مصطفی کمال کی بھی مبینہ آڈیولیک ہوئی تھی۔
کامران ٹیسوری نے مبینہ آڈیو میں کہا کہ کوئی کہہ رہا ہے کہ ایم کیو ایم کا مینڈیٹ فیک ہے اس کی وجہ بھی وہی لوگ ہیں جو یہ کہہ رہےہیں، ہم تو 7سیٹوں کے ساتھ تحریک انصاف کے ساتھ بیٹھے تھے ، پی پی اور ن لیگ اپوزیشن میں تھے اور جیلوں میں جانے والے تھے۔
گورنر سندھ کا کہنا تھا کہ یہ 7ووٹ ہم نے آپ کو دئیے جسکی وجہ سے ووٹ بینک خراب ہوا، اس لیے اس بار ہمیں ووٹ کم ملا، 2018میں زبردستی تحریک انصاف کوسیٹیں دلائی گئی، 2018میں بھی متحدہ ووٹر نے ایم کیو ایم کو ووٹ دے کر 7 نشستیں دلائی۔
مبینہ آڈیو میں کہا جارہا ہے کہ ن لیگ کو احساس دلایا اپنا ڈیڑھ سالہ حکومت کا دور یاد کریں جس سےفائدہ اٹھایا ، ایک نے وزیراعظم بنا لیا ایک نے وزیر خارجہ بنا لیا اسکے باوجود آپ دونوں پارٹیوں کا رویہ ٹھیک نہ تھا ،144اے کو لے کر حلقہ بندیوں ، تحریری معاہدے پر عمل نہیں ہوا، بلاول ، شہباز اور زرداری کے دستخط بھی موجود تھے۔
کامران ٹیسوری کا مزید کہنا تھا کہ پی پی ،ن لیگ پرپریشر ڈال رہی ہے کہ سندھ کی گورنر شپ ایم کیو ایم کی نہ ہو ، اگر گورنر شپ ایم کیو ایم کی ہو بھی تو کوئی دوسرا نام ہو ، اس حوالے سے ایک نام خالد مقبول بھائی کو بتا بھی دیا گیا ہے تاہم تمام فیصلہ رابطہ کمیٹی نے کرنا ہے۔
گورنر سندھ کی جانب سے کہا گیا کہ اب دیکھنا ہے کہ ہم کس حد تک پریشر میں آسکتے ہیں ، گورنر شپ کا فیصلہ ایم کیو ایم کرے گی کوئی اور نہیں ، ن لیگ اور پی پی کے نمبر پورے ہیں اس لیے یہ پریشر دیا جارہا ہے ، پی پی نے تو صدر ، چیئرمین سینیٹ ، 2گورنر شپ لے لی۔
مبینہ آڈیو میں کہنا تھا کہ مصطفیٰ بھائی صحیح بول رہے ہیں کہ رسک لے کر حکومت میں جارہے ہیں ، ایسی حکومت ہوگی جس کو گالیاں اور باتیں سننے کو ملیں گی اور یہ سلسلہ شروع ہوچکا ہے ، خواجہ سعد اور جاوید لطیف کے ساتھ کیا ہوا۔
