بھارت میں مون سون بارشوں نے تباہی مچا رکھی ہے ایسے میں موٹر سائیکل پر سڑک سے گزرنے والے میاں اور بیوی گڑھے میں جاگرے جس کی ویڈیو سوشل میڈیا پر وائرل ہوگئی۔
بھارتی میڈیا رپورٹس کے مطابق یہ واقعہ ریاست اترپردیش کے علی گڑھ ضلع میں پیش آیا، ویڈیو میں دیکھا جاسکتا ہے کہ موٹر سائیکل پر سوار میاں بیوی گزر رہے کہ اچانک ہی وہ گڑھے میں گر جاتے ہیں۔
وائرل ویڈیو میں ایک جوڑے کو ایک موٹر سائیکل پر جاتے دیکھا جا سکتا ہے جو سیلاب زدہ سڑک سے گزر رہے ہیں۔
اچانک ہی دونوں ایک گڑھے میں گر جاتے ہیں جس کے بعد راہگیر جوڑے کی مدد کے لیے پہنچے اور انہیں گڑھے سے باہر نکالا۔
As #Monsoon2022 reaches Uttar Pradesh, a video has emerged showing a couple on a scooter falling in a ditch after heavy waterlogging in and around #Aligarh. Luckily, the nearby locals rescued them. pic.twitter.com/I5q2JRHdGF
— Mirror Now (@MirrorNow) June 19, 2022
بھارتی میڈیا کے مطابق موٹرسائیکل پر اترپردیش کے ایک پولیس افسر اور ان کی اہلیہ سوار تھیں اور یہ واقعہ اس وقت پیش آیا جب وہ ڈاکٹر کے پاس جارہے تھے۔
ویڈیو وائرل ہونے کے بعد سوشل میڈیا صارفین کی جانب سے ضلعی انتظامیہ کو تنقید کا نشانہ بنایا گیا۔
ایک صارف نے لکھا کہ ’متعلقہ میونسپل کارپوریشنز کو ان سڑکوں کو بہتر کرنے کی ضرورت ہے۔‘
ایک دوسرے صارف نے لکھا کہ خوش قسمتی سے دونوں کی جان بچ گئی، انتظامیہ کو سڑکوں کی بروقت مرمت کو یقینی بنانے کے لیے ذمہ داری کا مظاہرہ کرنا چاہیے۔
