بھارت کے مدھیہ پردیش کے 28 اضلاع شدید بارشوں کے سبب محکمہ موسمیات کے اورنج الرٹ پر ہیں، جس کی وجہ سے پوری ریاست میں سیلابی صورتحال ہے،ایسے میں حادثات بھی رونما ہورہے ہیں۔
بھارتی میڈیا کے مطابق اشوک نگر ضلع میں دو نوجوان موٹر سائیکل پر ندی پار کرنے کی کوشش میں مصروف تھے، اس دوران بارش کی وجہ سے اچانک ندی کے پانی میں اضافہ ہوگیا۔
سامنے آنے والی ویڈیو میں دیکھا جاسکتا ہے کہ دو نوجوان اس دوران موٹر سائیکل کی گرفت کھو دیتے ہیں۔ چند سیکنڈ کے دوران ہی موٹر سائیکل ندی میں بہہ جاتی ہے، ایسے میں دونوں موٹر سائیکل کو بچانے کی کوشش میں ندی میں چھلانگ لگادیتے ہیں۔
اطلاعات کے مطابق دونوں افراد ندی سے بچ نکلنے میں کامیاب ہوگئے کیونکہ دونوں تیراک تھے، مگر انہیں اپنی موٹر سائیکل سے ہاتھ دھونا پڑ ا۔
