بھارت میں شہری نے شادی کی تقریب میں نوٹوں کی بارش کردی جس کی ویڈیو سوشل میڈیا پر وائرل ہوگئی۔
بھارتی میڈیا رپورٹس کے مطابق یہ واقعہ حیدرآباد میں پیش آیا جہاں ایک شخص کرنسی نوٹ ہوا میں اڑا رہا ہے جس کی ویڈیو کیمرے میں محفوظ ہوگئی۔
ٹائمز آف انڈیا کے مطابق چارمینار پولیس سوشل میڈیا پر وائرل ہونے والی ویڈیو کی تحقیقات کر رہی ہے۔
کلپ میں ایک شخص کو دیکھا جاسکتا ہے مذکورہ شخص شادی باراتیوں میں شامل ہے اور سڑک پر 500 روپے کے کرنسی نوٹ پھینک رہا ہے۔
ایک واقعے کے دوران اسے گلزار حوز فاؤنڈیشن کے اوپر کھڑے ہو کر کرنسی نوٹ پھینکتے ہوئے دیکھا گیا، ویڈیو میں مقامی لوگوں کو بھی نوٹ لوٹتے ہوئے دیکھا جاسکتا ہے۔
Following a video of a man throwing currency notes in the air at Gulzar Houz in the dead of night, apparently during a ‘baraat’ in the Old City, the police have started an investigation.#Hyderabad pic.twitter.com/45GsnajJmV
— The Siasat Daily (@TheSiasatDaily) June 11, 2022
رپورٹ میں مزید کہا گیا کہ اس شخص کے خلاف کوئی مقدمہ درج نہیں کیا گیا ہے تاہم اس کی تلاش کے لیے ابتدائی تحقیقات کی جا رہی ہیں۔
وائرل ویڈیو پر سوشل میڈیا صارفین کی جانب سے بھی تبصرے کیے جارہے ہیں، ایک صارف نے لکھا کہ ’میں اس کے خلاف ہوں یہ کورا کرکٹ نہیں کرنسی ہے۔‘
دوسرے صارف نے لکھا کہ ’اس نے کچھ غلط نہیں کیا پیسے ضرورت مند لوگ ہی اٹھائیں گے۔‘