The news is by your side.

ہاتھی نے بچے کی مدد کس طرح‌ کی؟ ویڈیو وائرل

ہاتھی کی بچے کی مدد کرنے کی ویڈیو سوشل میڈیا پر وائرل ہوگئی۔

ہاتھی ایک ذہین جانور ہے یہ بات سب نے سن رکھی ہو گی لیکن ایک ویڈیو انٹر نیٹ پر وائرل ہو رہی ہے جس کے دیکھنے کے بعد آپ کو یقین بھی ہو جائے گا کہ ہاتھی واقعی ایک ذہین اور سمجھدار جانور ہے۔

سوشل میڈیا پر ایک ویڈیو چین سے وائرل ہو رہی ہے جس میں دیکھا جا سکتا ہے کہ چڑیا گھر کی سیر کو آئے بچے کا ایک جوتا ہاتھی کے گھر میں گر جاتا ہے جسے ہاتھی اٹھا کر اسی بچے کو واپس کر دیتا ہے۔

وائرل ویڈیو کے بارے میں بتایا جارہا ہے کہ یہ چین کے صوبے شین ڈونگ کے ایک چڑیا گھر میں بنائی گئی ہے۔

ویڈیو میں ہاتھی کو سونڈھ کے ذریعے بچے کا جوتا اٹھاکر واپس کرتے دیکھا جا سکتا ہے بچہ چڑیا گھر کی سیر کے لیے آیا تھا اور ہاتھی کو دیکھتے وقت اس کا جوتا انکلوژر میں گرگیا جسے ہاتھی نے اٹھا کر واپس کیا۔

ویڈیو کو انسٹاگرام پر 1 ملین سے زائد بار دیکھا جا چکا ہے جس پر تبصرہ کرتے ہوئے صارفین ہاتھی کو اسمارٹ جانور بھی قرار دے رہے ہیں۔

Comments

یہ بھی پڑھیں