امریکا میں سانپ گالف کی بالز کو انڈے سمجھ کر نگل کیا جس کی تصاویر سوشل میڈیا پر وائرل ہوگئیں۔
غیرملکی خبررساں ادارے کی رپورٹ کے مطابق امریکی ریاست کولوراڈو وائلڈ لائف سینٹر کی جانب سے فیس بک پر مذکورہ واقعے کی تصاویر شیئر کی گئیں۔
حکام کی جانب سے بتایا گیا کہ انہیں ایک کال موصول ہوئی جس میں سانپ کو ریسکیو کرنے کا کہا گیا تھا۔
- Advertisement -
وائلڈ لائف حکام کے مطابق جب وہاں پہنچے تو معلوم ہوا کہ سانپ نے گالف کی بالز نگل لی تھیں اور وہ اس کے جسم میں واضح طور پر نظر آرہی تھیں۔
حکام کا کہنا تھا کہ بالز نگلنے کی وجہ سے سانپ کی آنتیں مکمل طور پر بند ہوگئی تھیں اور ہمیں اسے باہر نکالنے میں آدھا گھنٹہ لگا۔
وائلڈ لائف افسران کے مطابق اب سانپ بالکل ٹھیک ہے ہوسکتا ہے کہ اس نے بھوکے ہونے کی وجہ سے بالز کو نگل لیا ہو۔
