بالی ووڈ کے معروف اداکار امیتابھ بچن کے شو ’کون بنے گا کروڑ پتی‘ میں شاہ رخ خان کی صاحبزادی سہانا خان نے والد سے متعلق سوال کا غلط جواب دے دیا۔
بھارتی میڈیا رپورٹس کے مطابق بالی ووڈ سپر اسٹار شاہ رخ خان کی بیٹی سہانا خان نے فلم ’دی آرچیز‘ کے ذریعے ڈیبیو کیا، فلم گزشتہ دنوں نیٹ فلکس پر ریلیز کی گئی تاہم سہانا کی اداکاری کو سوشل میڈیا صارفین نے تنقید کا نشانہ بنایا۔
دی آرچیز کی ہدایت کاری کے فرائض زویا اختر نے انجام دیے ہیں۔
تاہم فلم کی ریلیز سے قبل سہانا خان نے دی آرچیز کے ساتھی اداکار خوشی کپور، اگستیا نندا، یوراج میندا، ویدانگ رائنا ودیگر کے ساتھ امیتابھ بچن کے شو ’کون بنے گا کروڑ پتی‘ میں شرکت کی۔
امیتابھ بچن نے سہانا خان نے سپر صندوق راؤنڈ میں سوال کیا کہ ’شاہ رخ خان کو ان میں سے کونسا اعزاز اب تک نہیں ملا ہے جن میں پدما شری ودیگر تین آپشن شامل تھے۔
سہانا خان نے فوری جواب دیا کہ ’پدما شری‘ ایوارڈ شاہ رخ خان کو نہیں ملا ہے جو کہ غلط جواب تھا۔
امیتابھ بچن یہ سن کر حیران رہ گئے اور مسکراتے ہوئے کہنے لگے کہ ’بیٹی کو بھی پتا نہیں ہے کہ والد کو کیا اعزاز ملا ہے، صرف والد نے اتنا ہی بتا کر بھیجا ہے کہ وہ سامنے بیٹھا ہے اس نے تمہارے والد کا کردار ادا کیا ہے تو ان کو بول دینا کہ بھیا ذرا آرام سے سوال پوچھو، ابھی اتنا آرام سے سوال پوچھا پھر بھی اس کا جواب نہیں دے پائی ہیں۔
Haaye… Meri gudiya ☺️ @iamsrk Our little girl on KBC! Goooosh Such a Cutie.. Papa ke father ka role play kiya hai Amitji ne so ask easy questions From watching you to host it, to promote there to our lil Suhana now it's so emotional #SuhanaKhanpic.twitter.com/UbisZ45gSb
— ❥ Sнαн ᏦᎥ Ᏸω (@JacyKhan) December 11, 2023
واضح رہے کہ شاہ رخ خان کو بھارتی حکومت کی جانب سے 2005 میں پدما شری اعزاز سے نوازا گیا تھا۔
