منگل, جون 18, 2024
اشتہار

فلمی انداز میں چلتے ٹرک سے سامان چوری کرنے کی ویڈیو وائرل

اشتہار

حیرت انگیز

بھارت میں فلمی انداز میں چلتے ٹرک سے سامان چوری کرنے کی ویڈیو سوشل میڈیا پر وائرل ہوگئی۔

بھارتی میڈیا رپورٹس کے مطابق ریاست مدھیہ پردیش میں آگرہ ممبئی ہائی وے پر موٹر سائیکل پر سوار تین افراد نے چلتے ٹرک سے باکس چوری کیا اور فرار ہوگئے۔

واقعے کی ویڈیو کار ڈرائیور نے کیمرے میں محفوظ کرلی اور اسے سوشل میڈیا پر شیئر کیا۔

- Advertisement -

ویڈیو میں دیکھا جاسکتا ہے کہ ایک شخص موٹر سائیکل چلا رہا ہے جبکہ دو افراد ٹرک کے اوپر سوار ہیں اور ٹرک کی چادر کاٹ کر باکس کو نیچے پھینکتے ہیں۔

موٹر سائیکل پر سوار مذکورہ شخص ٹرک کے ساتھ ساتھ چلتا رہتا ہے اور دونوں چور چلتی بائیک میں سوار ہوکر فرار ہوجاتے ہیں۔

واردات کے دوران ٹرک ڈرائیور کو معلوم ہی نہیں ہوا کہ کوئی سامان چوری کررہا ہے۔

ایس ایچ او بھیم سنگھ پٹیل کا کہنا ہے کہ واقعے کی کوئی اطلاع نہیں ملی ہے، ٹرک ڈرائیور نے مقدمہ درج کروایا تو کارروائی عمل میں لائی جائے گی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں