بھارتی حیدرآباد میں دوستوں کے چیلنج پر ایک نوجوان نے تالاب میں چھلانگ لگادی، جس کے باعث اس کی موت واقع ہوگئی۔
بین الاقوامی خبر رساں ادارے کی رپورٹ کے مطابق فوری طور پر معلوم نہیں ہوسکا کہ یہ واقعہ کب کا ہے؟ تاہم واقعہ کی ویڈیو سوشل میڈیا پر وائرل ہونے کے بعد اس کا انکشاف ہوا۔
ذرائع کے مطابق پرانے شہر کے بنڈلہ گوڑہ علاقہ سے تعلق رکھنے والے چند نوجوان کرناٹک کے کملاپور کی سیر کے لئے گئے تھے۔ بعض لڑکوں نے شراب پی رکھی تھی۔
- Advertisement -
سوشل میڈیا پر وائرل ہونے والی ویڈیو میں دیکھا جاسکتا ہے کہ ایک نوجوان کو اس کے دوستوں کی جانب سے چیلنج کیاگیا جس پر اس نے تالاب میں چھلانگ لگادی۔ نوجوان کی شناخت ساجد کے نام سے ہوئی ہے۔
واقعہ کی ویڈیو بنانے والے نوجوان نے اپنے ساتھیوں سے ساجد کو بچانے کی درخواست کی تاہم وہ اس میں کامیاب نہیں ہوسکے۔
