کوٹا: بھارتی ریاست راجستھان کی ایک ویڈیو سوشل میڈیا پر وائرل ہوئی ہے، جس میں ایک آوارہ سانڈ سڑک کے کنارے کھڑے شخص پر اچانک حملہ کرتا دکھائی دیتا ہے۔

راجستھان کے شہر کوٹا میں سڑک کنارے ایک تین افراد کھڑے باتیں کر رہے تھے، کہ پیچھے سے ایک آوارہ سانڈ دھیرے دھیرے چلتا آیا، بہ ظاہر بیل کے تیور نارمل لگ رہے تھے لیکن بہت قریب آ کر اچانک اس کے تیور بدل گئے اور اس نے جنگلے کے سہارے کھڑے شخص پر پیچھے سے حملہ کر دیا۔

بھالو نے فلائٹ آپریشن معطل اور 12 پروازیں منسوخ کرا دیں (دلچسپ وائرل ویڈیو)

ویڈیو میں دیکھا جا سکتا ہے کہ سانڈ نے سر نیچے کر کے گھمایا اور آدمی کو اٹھا کر پلٹنی دے کر گرا دیا، زمین پر گرتے ہی سانڈ کا سینگ آدمی کے بنیان میں ایک لمحے کے لیے پھنسا لیکن پھر اس نے سینگ چھڑایا اور بھاگ گیا، کیوں کہ دیگر دو افراد فوراً اپنے ساتھی کو بچانے کے لیے سڑک پر آ گئے تھے۔