بھارت میں گاڑی اپارٹمنٹ کی پہلی منزل سے دیوار توڑتے ہوئے نیچے آگری جس کی ویڈیو سوشل میڈیا پر وائرل ہوگئی۔
بھارتی میڈیا رپورٹ کے مطابق ریاست پونے میں ایک اپارٹمنٹ کے پارکنگ کمپلیکس کی پہلی منزل سے گاڑی دیوار توڑتے ہوئے اچانک نیچے آگری۔
ویمن نگر کے شوبھا اپارٹمنٹ کے پارکنگ کمپلیکس میں پیش آنے والا یہ واقعہ کیمرے کی آنکھ میں محفوظ ہوگیا جسے دیکھ کر لوگ دنگ رہ گئے۔
وائرل ویڈیو میں دیکھا جاسکتا ہے کہ کار پہلی منزل کے پارکنگ ایریا سے اس وقت گر گئی جب ڈرائیور نے غلطی سے ریورس گیئر لگا دیا۔
گاڑی دیوار توڑتی ہوئی نیچے آگری اور دیوار کے ایک حصے پر اٹک گئی۔
گاڑی کے زمین پر گرنے کے فوری بعد آس پاس موجود لوگ بھاگتے ہوئے آئے اور گاڑی میں موجود شخص کو باہر نکالا، خوش قسمتی سے حادثے میں کوئی جانی نقصان نہیں ہوا۔
سوشل میڈیا صارفین نے دیوار میں استعمال ہونے والے میٹریل پر سوال اٹھایا ہے۔
