عالمی شہرت یافتہ فٹبالر نے اپنی محبت میں زور وقطار رونے والے ننھے ایرانی فین سے ملاقات کرکے اس کا خواب پورا کر دیا اس موقع پر اسے یادگار تحفہ بھی دیا۔
پرتگال سے تعلق رکھنے والے اور سعودی النصر کلب کے اہم رکن عالمی شہرت یافتہ اسٹار فٹبالر کرسٹیانو رونالڈو جو گزشتہ روز ایران پہنچے تھے۔ اپنے دورے کے دوران انہوں نے ثابت کر دیا کہ وہ بڑے کھلاڑی ہونے کے ساتھ بڑے انسان بھی ہیں اور اپنی محبت میں پھوٹ پھوٹ کر رونے والے ننھے ایرانی فین کا خواب پورا کرتے ہوئے اس سے خصوصی ملاقات کی اور یادگار تحفہ دیا۔
کرسٹیانو رونالڈو جو پیر کو ایرانی دارالحکومت تہران پہچنے تھے جہاں ان کا پرتپاک استقبال کیا گیا اور ہزاروں مداح ان کی ایک جھلک دیکھنے کے لیے ایئرپورٹ پر جمع ہونے کے ساتھ ہوٹل روانگی کے وقت بھی دیوانہ وار ان کی بس کے ساتھ دوڑتے رہے جب کہ ہوٹل کے باہر بھی ایک بڑی تعداد ان کے دیدار کے لیے موجود تھی۔
جہاں بڑے بڑے پرستاروں کو اپنے ہیرو سے ملاقات کا موقع نہ مل سکا وہیں ایک چھوٹے سے فین نے نہ صرف رونالڈو سے ملاقات کی بلکہ ان سے یادگار تحفہ شرٹ کی صورت میں بھی پایا۔
ہوا کچھ یوں کہ تہران کے اسپیناس پیلس ہوٹل جہاں رونالڈو کا قیام ہے وہا اسٹار فٹبالر کو دیکھنے اور ملاقات کے لیے موجود مداحوں میں ایڈریان نامی کمسن پرستار بھی موجود تھا جو اپنے ہیرو کو نہ دیکھنے پر زار وقطار رونے لگا اور اس کی یوں پھوٹ پھوٹ کر رونے کی ویڈیو سوشل میڈیا پر وائرل ہوگئی۔
Cristiano Ronaldo in Iran!
– First Video: Before Arrival.
– 2nd Video; Arrival.
– 3rd Video: Meeting a kid fan who was sad he didn’t meet him at first!
– 4th Video; Fans took over the Hotel!Football will never witness another Mega Superstar 👑🦅. pic.twitter.com/E0EWYYTweq
— Buchi Laba (@Buchi_Laba) September 19, 2023
ایڈریان کی خود سے یوں والہانہ محبت اور جذبات میں آکر رونے کا جیسے ہی کرسٹیانو رونالڈو اور سعودی فٹبال کلب النصر کو پتہ چلا تو النصر کے عہدیداروں نے ننھے مداح کی خواہش پوری کرنے کے لیے اس کی ہوٹل میں اپنے ہیرو سے ملاقات کرانے کا فیصلہ کیا جس کے بعد بچے کو ہوٹل میں رونالڈ کے کمرے میں لے جایا گیا۔
The Beautiful Game ✨
It’s even more beautiful,
With The Greatest making a boy’s wish coming true 💛
pic.twitter.com/Q1OKO9uvrd— AlNassr FC (@AlNassrFC_EN) September 18, 2023
اس موقع پر اسٹار فٹبالر نے ایڈریان کو ایک شرٹ بھی تحفے میں دی۔ ملاقات کے دوران کمسن پرستار جس نے النصر کی شرٹ پہن رکھی تھی اس نے رونالڈو کے مشہور “Siu” جشن کی نقل کی جس پر رونالڈو ہنس پڑے اور اس کی پہنی ہوئی شرٹ پر آٹو گراف بھی دیا۔
اس ملاقات کی ویڈیو بھی سوشل میڈیا پر وائرل ہوگئی جس میں دیکھا جا سکتا کہ ہوٹل کے کمرے میں رونالڈو اپنے ننھے چاہنے والے کا پرتپاک استقبال کرتے ہوئے اسے گلے لگاتے ہیں اور خصوصی پوز دیتے ہوئے تصویر بنانے کے ساتھ گفتگو کرتے ہیں۔
