بھارت کے حیدرآباد میں چند دوستوں کے ایک گروپ کو عجیب و غریب صورتحال کا سامنا کرنا جب ایک معروف ریسٹورنٹ میں کھانا کھانے کے دوران بریانی سے سگریٹ برآمد ہوا۔
بھارتی میڈیا رپورٹس کے مطابق حیدآباد میں RTC ‘X’ روڈ پر ایک مشہور ریسٹورنٹ میں کھانا کھانے کے دوران دوستوں کے ایک گروپ کو مبینہ طور پر اپنی پلیٹ میں ایک پیا ہوا سگریٹ ملا۔
اس حوالے سے ایک ویڈیو سوشل میڈیا پر وائرل ہورہی ہے، جس میں دیکھا جاسکتا ہے کہ 10دوستوں کا ایک گروپ کھانا کھانے میں مصروف ہے، اچانک ایک نوجوان مبینہ سگریٹ دکھانے کے لیے چاولوں والی پلیٹ اٹھاتا ہے۔
سامنے آنے والی ویڈیو میں دیکھا جاسکتا ہے کہ مذکورہ معاملے پر دوستوں کا گروپ ناراضگی کا اظہار کررہا اور ہوٹل کے عملے پر چیخ رہا ہے۔
جلد ہی یہ معاملہ گرما گرم بحث میں تبدیل ہوجاتا ہے، اس دوران ہوٹل میں گاہکوں کی بڑی تعداد موجود تھی، جو یہ سارا معاملہ دیکھ رہے تھے، کیونکہ نوجوان انتظامیہ پر چیخ رہے ہوتے ہیں۔
صرف موٹا ہونے پر شہری کو قید کی سزا، عدالتی تاریخ کا عجیب واقعہ
رپورٹس کے مطابق ہوٹل کی انتظامیہ نے اس حوالے سے معافی نامہ جاری کیا ہے جبکہ سوشل میڈیا صارفین اس واقعے پر ناراض دکھائی دیئے، انہوں نے ریسٹورنٹ کے حفظان صحت کے معیارات اور فوڈ سیفٹی پر توجہ دینے پر سوال اٹھایا۔
