دولہا اور دلہن کی شادی میں رنبیر کپور کی فلم ’اینیمل کی مشین گن‘ اسٹائل میں انٹری دینے کی ویڈیو سوشل میڈیا پر وائرل ہوگئی۔
بالی ووڈ اداکار رنبیر کپور کی 2023 کی بلاک بسٹر فلم ’اینیمل‘ سے متاثر جوڑے نے ’مشین گن‘ اسٹائل میں منفرد انٹری دی جس کی ویڈیو نے سوشل میڈیا پر دھوم مچادی ہے۔
فوٹو اور ویڈیو شیئرنگ ایپ انسٹاگرام پر صارف اشیش سئیوال نے ویڈیو شیئر کی جسے اب تک 15 ملین کی زائد ویوز حاصل ہوچکے ہیں۔
دولہا اور دلہن کی شادی ہال میں انٹری فلم اینیمل سے متاثر ہے فلم میں رنبیر کپور 500 کلو گرام وزنی مشین گن کا استعمال کرتے ہوئے دشمنوں سے لڑتے ہیں۔
جوڑے نے بھی فلم کی طرح شادی میں انٹری دینے کا فیصلہ کیا اور مشین گن پر بیٹھ کر ہال میں پہنچے۔
تاہم جوڑے اس حرکت سے سوشل میڈیا صارفین متاثر ہونے کے بجائے غصے میں دکھائی دیے اور دولہا اور دلہن کو تنقید کا نشانہ بنایا ہے۔
ایک صارف نے لکھا کہ آپ ایسا کردار کیوں بن رہے ہیں جس نے انتقام کے لیے لوگوں کو قتل کیا، دوسرے صارف نے لکھا کہ ’وہ اپنی زندگی کی اگلی جنگ کے لیے تیاری کررہے ہیں۔
