سوشل میڈیا پر ایک منفرد شادی کی ویڈیو وائرل ہوئی ہے، جس میں ایک انگریز پنڈت نے ہندو جوڑے کی شادی کی رسومات ادا کیں۔
اگرچہ سوشل میڈیا پر شادی کی وائرل پوسٹوں میں دولہا دلھن کے والدین اور دیگر رشتہ داروں کی ڈانس ویڈیوز بہت وائرل ہوتی ہیں، تاہم ان دونوں ایسی ویڈیوز میں شادی کروانے والے پنڈت بھی کافی مقبول ہو رہے ہیں۔
اب ایک ویڈیو ایسی وائرل ہوئی ہے جس میں پنڈت انگریز تھا اور اس نے ہندو جوڑے کی شادی کرائی، پنڈت نے انگریزی میں شادی کی رسومات ادا کیں، ویڈیو میں دیکھا جا سکتا کہ پنڈت روایتی لباس پہن کر اور سنسکرت میں منتر پڑھ کر جوڑے کو شادی کے بندھن میں باندھ رہے ہیں۔
- Advertisement -
یہ ویڈیو چند دن قبل انسٹاگرام اور پھر X پر شیئر کی گئی اور بہت زیادہ وائرل ہوئی، صارفین ایک ’ودیشی‘ پنڈت کو سنسکرت کے بھجن پڑھتا ہوا دیکھ کر حیران اور محظوظ ہوئے۔
