برطانیہ میں چار کروڑ کی لگژری گاڑی ’فراری‘ حادثے میں تباہ ہوگئی جس کی ویڈیو سوشل میڈیا پر وائرل ہورہی ہے۔
غیرملکی میڈیا کے مطابق فراری ایس ایف 90 اسٹریڈل جس کی مالیت تقریباً 4.16 کروڑ روپے سے زائد تھی برطانیہ میں کھڑی کاروں سے ٹکرا گئی۔
یہ واقعہ انگلینڈ کے شہر برمنگھم کے ہیگلے روڈ پر پیش آیا جس کی ویڈیو قریب لگے سی سی ٹی وی کیمرے میں محفوظ ہوگئی۔
واقعے کی ویڈیو میں دیکھا جاسکتا ہے کہ لگژری کار کہیں سے آتے ہوئی پارکنگ میں کھڑی پانچ گاڑیوں سے ٹکرا گئی۔
OUCH!!!
Ferrari SF90 smashes into parked cars in the UK.
Luckily no one was injured but apparently, the driver left the scene shortly after… pic.twitter.com/AryXUq6lS3
— Zero2Turbo (@Zero2Turbo) May 30, 2022
وائرل ویڈیو میں ڈرائیور کو حادثے کے بعد کھڑکی سے باہر نکلتے ہوئے دیکھا جاسکتا ہے اور دیگر کاروں کے مالکان کے پہنچنے سے پہلے وہاں سے فرار ہوگیا۔
فراری کو آگے سے مکل طور پر تباہ دیکھا جاسکتا ہے اور اس کے بونٹ کے ٹکڑے سڑک پڑے ہوئے ہیں۔
مذکورہ ویڈیو ٹویٹر پر شیئر کرتے ہوئے کیپشن میں لکھا گیا کہ براہ کرم باہر جاتے وقت محتاط رہیں اس واقعے میں کسی کے زخمی ہونے کی اطلاع نہیں ہے اور اہلکار کار کے ڈرائیور کو تلاش کررہے ہیں۔
ویسٹ مڈلینڈز فائر اینڈ ریسکیو سروس کا کہنا ہے کہ گاڑی کا ڈرائیور ہمارے پہنچنے سے پہلے ہی بھاگ گیا ہم نے گاڑی کو اٹھا کر پولیس کے پاس چھوڑ دیا۔
یہ ویڈیو وائرل ہو گیا ہے اور سوشل میڈیا صارفین فراری کی تباہ حالت کو دیکھ کر حیران رہ گئے۔