بھارت کے شہر گجرات کے ہائی وے میں شیر کو مٹر گشت کرتا دیکھ کر لوگ حیران رہ گئے جس کی ویڈیو سوشل میڈیا پر وائرل ہوگئی۔
بھارتی میڈیا رپورٹ کے مطابق گجرات میں شیر کو ٹہلتے ہوئے دیکھا گیا جس کی وجہ سے سومناتھ ہائی وے پر ٹریفک کی روانی میں خلل پیدا ہوگیا۔
وائرل ویڈیو میں دیکھا جاسکتا ہے کہ لوگ اپنی گاڑیاں روک کر جنگل کے بادشاہ کے گزرنے کا انتظار کررہے ہیں۔
شیر کی ویڈیو پر سوشل میڈیا صارفین کی جانب سے دلچسپ تبصرے کیے جارہے ہیں، ایک صارف نے لکھا کہ ’بادشاہ ایسے ہی چلتا ہے۔‘
دوسرے صارف نے لکھا کہ ’میں بہت بھوکا تھا کوئی زوماٹو کا لڑکا میرا آرڈر قبول نہیں کررہا تھا۔‘
ایک اور صارف نے لکھا کہ شیر کو تازہ ہوا کی ضرورت تھی اس لیے سڑک پر نکل آیا ہے اب لوگوں کو چاہیے کہ آرام سے اس کے جانے کا انتظار کریں۔
واضح رہے کہ انٹرنیٹ پر بہت سی ویڈیوز وائرل ہو جاتی ہیں اور کچھ اتنی خوفناک ہوتی ہیں کہ وہ آپ کو ایک جگہ ساکت کردیتی ہیں یہ بھی ایسی ہی ایک ویڈیو ہے۔
اس سے قبل ایک ویڈیو وائرل ہوئی تھی جس پر صارفین کا کہنا تھا کہ جعلی ویڈیو ہے، ویڈیو میں خاتون دروازہ کھولتی ہے تو سامنے دیویکل شیر اسے گھو رہا ہوتا ہے۔
