راجستھان: بھارتی ریاست راجستھان کے ایک علاقے میں نریندر مودی کے ایک وزیر اس وقت سیخ پا ہو گئے جب جلسے میں گنتی کے چند ہی سامعین موجود تھے۔
بھارتی میڈیا رپورٹس کے مطابق پیر کو راجستھان حکومت کے کابینہ کے وزیر کروڑی لال مینا انتخابات کے سلسلے میں بی جے پی کے امیدوار کی حمایت کے لیے کھوری بالا جی مندر کے مقام پر جلسے میں پہنچے، تاہم پنڈال میں گنتی کے چند لوگ ہی جمع ہو سکے تھے۔
خالی جلسہ گاہ دیکھ کر کروڑی لال مینا سیخ پا ہو گئے، وہ اتنے ناراض ہوئے کہ کارکنان پر چیخنے چلانے لگے، بعد ازاں سخت غصے میں اسٹیج سے اتر کر بولے ’’چلو بھاگو، یہی ہے میرا بھاشن۔‘‘
راجستھان حکومت کے وزیر کروڑی لال مینا کی اس ناراضی کی ویڈیو سوشل میڈیا پر وائرل ہو رہی ہے، جس میں دیکھا جا سکتا ہے کہ کروڑی لال مینا جلسے میں بھیڑ جمع نہ ہونے پر چیخنے چلانے لگے، اور کارکنان سے کہا ’’آپ کو شرم آنی چاہیے، ایسی میٹنگ کے لیے۔‘‘
اس کے بعد اسٹیج سے اتر کر بولے ’’چلو اپنے اپنے گھر، یہی میرا بھاشن ہے، چلو بھاگو ہٹو۔‘‘
کروڑی لال مینا نے کہا کہ میں پی ایم مودی جی کو فون کر کے بول دیتا ہوں کہ بِسّی کے لوگ تو پاگل ہو گئے ہیں۔
‘मुझे शर्म आ रही है ऐसी सभा करके। जाओ अपने अपने घर’ @DrKirodilalBJP #BJPRajasthan #kirodilalmeena
pic.twitter.com/DtPtyyOzlC— Mukesh Mathur (@mukesh1275) April 15, 2024
