شیر کو دیکھ کر اچھے اچھے دور بھاگ جاتے ہیں لیکن شیر کے رکھوالے کو اس کو تنگ کرنا مہنگا پڑ گیا۔
غیرملکی خبررساں ادارے کی رپورٹ کے مطابق ببر شیر کو تنگ کرنے کا ایسا ہی ایک واقعہ کیریبین جزیرے جمیکا میں پیش آیا جہاں چڑیا گھر کا ایک رکھوالے شیر کو تنگ کرنے پر اپنی انگلی سے ہی محروم ہوگیا۔
ویڈیو میں دیکھا جا سکتا ہے کہ چڑیا گھر کے ایک ملازم نے پنجرے کے اندر موجود ببر شیر کے دانتوں کو ہاتھ لگانے کی اس طرح سے کوشش کی جیسے وہ کسی بلی کے بچے کے ساتھ کھیل رہا ہے لیکن دیکھتے ہی دیکھتے ببر شیر نے چڑیا گھر کے ملازم کی انگلی کو اپنے نوکیلے دانتوں میں جکڑ لیا۔
وائرل ویڈیو میں دیکھا جا سکتا ہے کہ چڑیا گھر کے ملازم نے اپنی انگلی چھڑوانے کے لیے بہت جدوجہد کی لیکن ناکام رہا اور اپنی ایک انگلی سے محروم ہو گیا۔
This moron deserves his finger being ripped off. Why would you mess with a beautiful wild animal?
He #fuckedaroundandfoundout https://t.co/nlYfHzqWoN— I am U.S.M.C. Rick (@Richard35775465) May 22, 2022
یہ سارا منظر دیکھنے والی ایک خاتون نے کہا کہ ہم سمجھے کہ یہ سب مذاق ہے کیونکہ چڑیا گھر کے ملازمین کا معمول ہے کہ وہ آنے والے سیاحوں کو محظوظ کرنے کے لیے اس قسم کے اقدامات کرتے رہتے ہیں۔
مذکورہ ویڈیو پر سوشل میڈیا صارفین کی جانب سے تبصرے بھی کیے جارہے ہیں اور صارفین اسے شیر کو تنگ کرنے پر سزا کا مستحق قرار دے رہے ہیں۔