امریکا میں کرین پر جھولا جھولتے شخص کی ویڈیو نے لوگوں کو حیران کردیا جس کی ویڈیو وائرل ہوگئی۔

وائرل کلپ میں دکھایا گیا ہے کہ ایک شخص امریکا کے شہر آسٹن کے مرکز میں تعمیراتی کرین سے جھول رہا ہے جسے دیکھ کر لوگ حیران رہ گئے۔

ویڈیو کو سوشل میڈیا کے مختلف پلیٹ فارمز پر بڑے پیمانے پر شیئر کیا گیا ہے۔

فاکس 7 آسٹن کی رپورٹ کے مطابق آسٹن پولیس کو کال کی گئی کہ ایک شخص کرین سے لٹکا ہوا ہے جب افسران پہنچے تو انہوں نے ایک شخص کو بظاہر عمارت کے اوپری حصے میں کرین کے کنارے سے نیچے گرتے ہوئے پایا اور احتیاط کے طور پر علاقے کو خالی کرالیا گیا۔

کچھ ہی دیر بعد وہ شخص کرین کی سیڑھی سے نیچے اترا اور اونچی عمارت میں داخل ہوا۔

Someone took this crane in Austin, TX for a swing
byu/Master_Jackfruit3591 innextfuckinglevel

رپورٹ کے وقت فرد کی شناخت معلوم نہیں تھی اور کوئی گرفتاری عمل میں نہیں آئی تھی تاہم تفتیش ابھی جاری ہے۔

اس ویڈیو کو جیک زیمرمین نامی ایک شخص نے فلمایا تھا اور اس نے تیزی سے آن لائن توجہ حاصل کرلی، جس سے مختلف ردعمل سامنے آئے۔

ایک کرین آپریٹر نے مایوسی کا اظہار کرتے ہوئے کہا کہ بطور کرین آپریٹر، یہ مجھے پریشان کرتا ہے۔ دوسرے صارف نے لکھا کہ ’یہ مشکل نہیں ہے، بس طاقت اور علم کی ضرورت ہے۔‘