سعودی عرب میں مدینہ منورہ اور مختلف علاقوں میں گزشتہ روز ہونے والی موسلا دھار بارشوں سے جل تھل ہوگیا۔
سعودی خبر رساں ادارے کی رپورٹ کے مطابق مدینہ منورہ میں مسجد نبوی صلی اللہ علیہ وآلہ وسلم کے صحن میں نمازی اور عمرہ زائرین بارش کے دوران دعاوں میں مشغول رہے۔
رپورٹس کے مطابق مسجد الحرام اور مسجد نبوی صلی اللہ علیہ وآلہ وسلم کی دیکھ بھال کے لیے قائم جنرل اتھارٹی نے بارش کے بعد نمازیوں اور عمرہ زائرین کی حفاظت اور سلامتی کو یقینی بنانے کے لیے مطاف کی صفائی اور اسے خشک کرنے کی کوششوں کو تیز کردیا ہے۔
مشاهد من زخات المطر على المسجد النبوي#الإخبارية#التاسعة pic.twitter.com/crI8Gg6txD
— قناة الإخبارية (@alekhbariyatv) August 30, 2024
سعودی خبر رساں ادارے کا کہنا ہے کہ بارش کی صورتحال سے نمٹنے کیلیے 200 سے زیادہ سپروائزر، 4 ہزار کارکنان اور 500 سے زیادہ مشینوں اور ٹولز کو متحرک کیا۔
واضح رہے بارش کے دوران مطاف، نماز کے مقامات، داخلی راستوں پر فوری طور پر پانی کی نکاسی اور فرش خشک کیے جانے کو یقینی بنانے کے لئے اقدامات کئے جا رہے ہیں۔
اتھارٹی کی جانب سے مسجد الحرام میں بارش کے مسائل سے نمٹنے کے لیے ہنگامی اسکیموں پر عمل درآمد شروع کردیا گیا ہے۔
