پاکستانی ٹیلی ویژن کی سابقہ معروف اداکارہ اور مارننگ شو کی میزبان مشی خان لائیو شو کے دوران صوفے سے نیچے گر گئیں، جس کی ویڈیو منظر عام پر آگئی۔
معروف اداکارہ کا ایک کلپ سوشل میڈیا کی زینت بنا ہوا ہے، جس میں وہ لائیو براڈ کاسٹ کے دوران اپنی کرسی سے توازن کھو کر نیچے گر جاتی ہیں۔
اداکارہ کو وائرل ویڈیو دیکھا جاسکتا ہے کہ وہ صوفے پر بیٹھی ہوئی تھیں کہ اچانک انہوں نے اپنے فون سے سیلفی لینے کیلئے خود کو صحیح سمت میں کرنے کی کوشش کی مگر اس دوران وہ توازن برقرار نہ رکھ سکیں اور نیچے گر گئیں۔
View this post on Instagram
اس موقع پر اداکارہ کے ہاتھ سے فون بھی نیچے گر گیا، جبکہ عملے نے فوراً ان کی جانب دوڑ لگاتے ہوئے انہیں سہارا دیا اور نیچے سے اُٹھا کر دوبارہ صوفے پر بٹھا دیا۔
معروف اداکارہ مشی خان اس پورے معاملے کے دوران سوری کے الفاظ ادا کرتی رہیں جبکہ انہوں نے جذبات پر کنٹرول رکھا اور ہنستی رہیں۔
صارفین کی جانب سے ویڈیو سوشل میڈیا پر وائرل ہوتے ہی متضاد تبصروں کا سلسلہ شروع ہوگیا۔ ایک صرف نے کمنٹس سیکشن میں لکھا کہ وہ ”شرمندگی سے بچنے کیلئے جھوٹی ہنسی ہنس رہی ہیں“۔
امبانی فیملی میں شادی پر مشی خان اور صبا فیصل آمنے سامنے
ایک اور صارف کا کہنا تھا کہ اداکارہ نے اس وقت کو بڑی ہی مہارت سے ہینڈل کیا اور اپنی تکلیف کو ظاہر نہیں ہونے دیا۔
