بھارت میں بندر چھت سے گاڑی کی چھت پر آگرا جس کی ویڈیو سوشل میڈیا پر وائرل ہوگئی۔
بھارتی میڈیا رپورٹس کے مطابق شہر وارانسی میں چھت پر موجود بندر گاڑی کا سن روف کو توڑتا ہوا اس کے اندر جاگرا جس کی ویڈیو سوشل میڈیا کی زینت بن گئی۔
یہ واقعہ ویشویشورگنج کے علاقے میں پیش آیا، جہاں پارکنگ ایریا میں بزنس مین مکیش جیسوال کی گاڑی کھڑی تھیں۔
وائرل ویڈیو میں دیکھا جاسکتا ہے کہ اچانک ہی ٹیرس پر موجود بندر گاڑی کا سن روف توڑتا ہوا اس کے اندر جاگرتا ہے اور پھر فوری باہر بھی نکل آتا ہے۔
دس سیکنڈ کے اس ویڈیو کلپ نے سوشل میڈیا پر نئی بحث چھیڑ دی ہے۔
سوشل میڈیا صارفین کا کہنا ہے کہ وارانسی کے لوگوں کو درپیش چیلنجز کی ایک جھلک ہے کیونکہ وہ شہر میں بندروں سے نمٹنے کے لیے جدوجہد کررہے ہیں۔
صارفین کا کہنا ہے کہ بندر ناصرف لوگوں کی املاق کو نقصان پہنچاتے ہیں بلکہ ان سے بچوں کو بھی خطرات لاحق ہیں۔
