بھارت میں بندر کی روٹی بنانے اور برتن دھونے کی ویڈیو سوشل میڈیا پر وائرل ہوگئی۔
یہ حقیقت ہے کہ بندر انسانی طرز عمل کی نقل کرتے ہیں تاہم ایک بندر کی گھریلو کام کاج میں دلچسپی دیکھ کر لوگ حیران رہ گئے۔
اترپردیش کے ضلع رائے بریلی کے کھگی پورا سدھوا گاؤں کی رانی (بندر) کی ویڈیو وائرل ہورہی ہے جو آٹھ سال سے خاندان کے ساتھ گھر میں رہتا ہے۔
رانی کی ویڈیو انٹرنیٹ پر وائرل ہورہی ہے جب اسے برتن دھوتے، کپڑے دھونا، فرش صاف کرنا، مصالحہ پیسنا، روتی بنانا دیکھ کر لوگ دنگ رہ گئے۔
گھر کے مالک آکاش کی قسمت اس وقت بدل گئی جب اس نے دنیا کے سامنے یہ ویڈیو شیئر کی۔
آکاش نے بتایا کہ ’اب تک کروڑوں لوگ رانی کی ویڈیوز دیکھ چکے ہیں اور ویڈیو کو اب تک 100 ملین سے زائد ویوز حاصل ہوچکے ہیں۔‘
جب ان سے پوچھا گیا کہ بھارت کے باہر لوگ رانی کے بارے میں جانتے ہیں تو انہوں نے کہا کہ وہ کافی مشہور ہے۔
رانی، امریکا، برطانیہ، سعودی عرب، بنگلادیش، پاکستان، نیپال، ایران، روس، چین اور بہت سے دوسرے ممالک میں مشہور ہوچکی ہے۔
علاوہ ازیں ممبئی، کولکتہ، وارانسی اور کئی دوسرے شہروں سے لوگ اسے دیکھنے آتے ہیں۔
آکاش نے اپنی آمدنی سے متعلق نہیں بتایا بس اتنا کہا کہ وہ ویڈیوز سے کافی پیسے کما چکے ہیں اور کہنے لگے کہ بندر کچی روٹی بھی کھانا پسند کرتا ہے۔
انہوں نے بتایا کہ رانی غصے میں مایوسی کا اظہار کرنے کے لیے اپنی کلائی کاٹ لیتی ہے، اس نے کبھی جان بوجھ کر کسی کو ناراض نہیں کیا۔
