بھارت میں ہتھنی کی اپنے مردہ بچے کی لاش کو اٹھا کر لے جانے کی ویڈیو نے سب کو رُلا دیا۔
بھارتی ریاست آسام کے شہر گوہاٹی میں چائے کی پتی کے باغات سے ایک ویڈیو سوشل میڈیا پر وائرل ہورہی ہے جس میں ایک ہتھنی اپنے مردہ بچے کی لاش کو سونڈ کے ذریعے اٹھا کر لے جارہی ہے۔
وائرل ویڈیو میں دیکھا جا سکتا ہے کہ ایک ہتھنی اپنے مردہ بچے کی لاش کو سونڈ کی مدد سے اٹھا کر متعدد ہاتھیوں کے جھنڈ میں ایک جگہ سے دوسری جگہ منتقل کر رہی ہے۔
ہاتھی کا بچہ جمعے کے روز چنمبھاتی کے باغات میں ہلاک ہوا جسے اس کی ماں ہاتھیوں کے جھنڈ میں تقریباً 7 کلومیٹر دور امباری کے باغات میں لے گئی جہاں اسے جھاڑیوں میں چھوڑ دیا۔
Viral Video: Mother Elephant Carries Carcass Of Her Dead Calf In Bengal https://t.co/8Q7f2DOAHQ pic.twitter.com/XPtwZXehNR
— NDTV (@ndtv) May 30, 2022
محکمہ جنگلات کے حکام جمعے کی شام کو ہی اس مقام پر پہنچے جہاں ہاتھی کے بچے کی لاش کو چھپایا گیا تھا تاہم وہاں ہاتھی کے بچے کی لاش ملی اور نا ہی ہاتھی نظر آئے۔
حکام کا کہنا ہے کہ ہاتھی کے بچے کی موت کی وجہ تاحال معلوم نہیں ہو سکی ہے تاہم حکام معاملے پر گہری نظر رکھے ہوئے ہیں اور اس حوالے سے تحقیقات بھی شروع کر دی گئی ہیں۔
وائرل ویڈیو پر سوشل میڈیا صارفین بھی اپنی رائے کا اظہار کررہے ہیں ایک صارف نے لکھا کہ ’ماں کی اپنے بچے سے محبت کا کبھی موازنہ نہیں کیا جاسکتا۔‘ ایک اور صارف نے لکھا کہ ’ویڈیو دیکھ کر آنکھیں نم ہوگئیں۔‘
