براہ راست نشریات کے دوران بعض اوقات اینکرز کے دلچسپ واقعات پیش آتے ہیں جس کی ویڈیو سوشل میڈیا پر وائرل ہوجاتی ہیں۔
ایسا ہی ایک دلچسپ واقعہ براہ راست نشریات کے دوران خاتون اینکر کے ساتھ اس وقت پیش آیا جب وہ پاکستان کے سیلاب کی صورتحال بتارہی تھیں۔
کینیڈا کے نیوز چینل گلوبل نیوز کی نیوز اینکر فرح ناصر پاکستان میں جاری مون سون اور سیلاب سے متعلق بتاتے ہوئے کہتی ہیں کہ ’آٹھ ہفتوں سے جاری موسلا دھار بارشوں نے پاکستان میں ہنگامی صورتحال پیدا کردی ہے۔
خاتون اینکر خبریں پڑھ ہی رہی ہوتی ہیں کہ ان کے منہ کے سامنے اچانک مکھی آجاتی ہے جسے وہ جلدی سے نگل لیتی ہیں۔‘
وائرل ویڈیو میں دیکھا جاسکتا ہے کہ خاتون اینکر فرح ناصر اس صورتحال میں بھی رکی نہیں اور اپنی خبر پوری پڑھی۔
انہوں نے یہ ویڈیو اپنے ٹویٹر اکاؤنٹ سے بھی شیئر کی اور بتایا کہ ’میں نے آج اڑتی ہوئی مکھی نگل لی۔‘
Sharing because we all need a laugh these days. Turns out it’s not just @fordnation, I swallowed a fly on air today.
(Very much a first world problem given the story I’m introducing). pic.twitter.com/Qx5YyAeQed
— Farah Nasser (@FarahNasser) August 29, 2022
مذکورہ ویڈیو سوشل میڈیا پر تیزی سے وائرل ہورہی ہے اور اسے اب تک ہزاروں لوگ دیکھ چکے ہیں۔
سوشل میڈیا صارفین خاتون کی تعریف کرتے ہوئے کہہ رہے ہیں کہ انہوں نے اس صورت میں بھی اپنی خبر پڑھنے کا سلسلہ نہیں روکا جبکہ کچھ صارفین کو یہ لمحہ مزاحیہ لگا۔
