بھینس نے شیر سے بچنے کیلئے تالاب میں چھلانک لگائی تو مگرمچھ نے حملہ کردیا، جس کی ویڈیو سوشل میڈیا پر وائرل ہوگئی۔
سوشل میڈیا پر ہمیں اکثر شیروں کے شکار کی بہت سی وائرل ویڈیوز دیکھنے کو ملتی ہیں لیکن آج ایک بالکل مختلف ویڈیو وائرل ہو رہی ہے، جس میں ایک بھینس اپنی جان بچانے کے لیے پانی میں چھلانگ لگا دیتی ہے اور اس کے بعد جو کچھ ہوا ، ایسے آپ بھی دیکھ کر حیران رہ جائیں گے۔
مذکورہ ویڈیو انسٹاگرام پر شیئر کی گئی جسے اب تک 22,000 مرتبہ دیکھا جا چکا ہے۔
وائرل ہونے والی ویڈیو میں دیکھا جا سکتا ہے کہ ایک شیر شکار کرنے کے لیے بھینس کا پیچھا کر رہا ہے اور بھینس اپنی جان بچانے کے لیے پوری قوت سے بھاگ رہی ہے۔
ایسے میں بھینس ایک تالاب دیکھتی ہے اور اس میں چھلانگ لگادیتی ہے اور تیر کر تالاب کے دوسرے سرے تک جانے کی کوشش کرتی ہے لیکن وہ تالاب مگرمچھوں سے بھرا ہوتا ہے۔
جیسے ہی بھینس پانی میں چھلانگ لگاتی ہے، مگرمچھ اس پر حملہ کرتا ہے اور اسے پکڑنے کی کوشش کرتا ہے، لیکن بھینس کسی طرح پانی میں موجود مگرمچھ سے خود کو چھڑانے میں کامیاب ہو جاتی ہے اور تالاب سے باہر آ جاتی ہے۔
جیسے ہی بھینس پانی سے باہر آتی ہے تو اس کے سامنے دو شیر کھڑے ہوتے ہیں جو اس کو اپنی خوراک بنانا چاہتے تھے۔
