بھوپال: بھارتی ریاست مدھیہ پردیش میں ڈاکٹروں نے ایک حیران کن آپریشن کے دوران ایک طوطے کو رسولی سے نجات دلا دی۔
بھارتی میڈیا رپورٹس کے مطابق مدھیہ پردیش کے ضلع ستنا میں ویٹرنری ڈاکٹروں نے 21 سالہ طوطے کی رسولی کا کامیاب آپریشن کر کے اس کی جان بچا لی۔
سوشل میڈیا پر طوطے کی تصاویر اور ویڈیو شیئر کی گئی، جو تیزی سے وائرل ہوئی، ڈاکٹروں نے بیٹو نامی طوطے کی کی گردن سے 20 گرام وزنی ٹیومر نکالنے میں کامیابی حاصل کی۔
ڈاکٹروں کی ٹیم نے تقریباً 2 گھنٹوں پر مشتمل سرجری میں طوطے کو ٹیومر سے نجات دلائی، جس کی وجہ سے طوطے کو بولنے اور کھانے میں مشکل پیش آ رہی تھی۔
طوطے کے مالک چندر بھان وشوکرما نے تقریباً چھ ماہ پہلے طوطے کی گردن پر ایک بڑھتی ہوئی گانٹھ دیکھی تھی جس کے بعد اس نے ڈسٹرکٹ ویٹرنری اسپتال ستنا کے ڈاکٹروں سے مدد طلب کی۔
جانوروں کے ڈاکٹروں نے معائنے کے بعد یہ فیصلہ کیا کہ طوطے کے گردن میں رسولی ہے اور اس کا آپریشن ضروری ہے، چناں چہ 15 ستمبر کو آپریشن کے دوران ڈاکٹروں نے ٹیومر کامیابی سے نکال لیا۔
Satna: 2 घंटे चला तोते के Tumor का सफल ऑपरेशन, 6 महीने से खाने-बोलने में थी तकलीफ#Parrot #Tumor #Operation #Satna #MadhyaPradesh #MPNews pic.twitter.com/9anTMd80cB
— INH 24X7 (@inhnewsindia) September 18, 2024
ویٹرنری ڈاکٹر بلیندر سنگھ نے بتایا کہ یہ ضلع میں کسی پرندے میں ٹیومر کا پہلا کیس ہے، آپریشن کے بعد طوطا مکمل طور پر صحت مند ہے اور اب صحیح طریقے سے کھانا کھا رہا ہے۔
