بالی ووڈ کے معروف اداکار شاہد کپور نے اچانک سنیما پہنچ کر مداحوں کو حیران کردیا جس کی ویڈیو سوشل میڈیا پر وائرل ہوگئی۔
بھارتی میڈیا رپورٹس کے مطابق اداکار شاہد کپور کو مداح سنیما میں دیکھ کر اس وقت حیران رہ گئے جب ان کی مشہور فلم ’جب وی میٹ‘ سنیما گھروں میں دوبارہ دکھائی جارہی تھی۔
ویڈیو میں دیکھا جاسکتا ہے کہ شاہد کپور مداحوں کے ساتھ ہاتھ ملا رہے ہیں۔
رپورٹ کے مطابق پی وی آر سنیما کی جانب سے ویلنٹائن ڈے کے موقع پر کئی مشہور فلموں کو دوبارہ ریلیز کیا گیا تھا جبکہ فیسٹیول کا آغاز 10 فروری سے ہوا جو 16 فروری تک جاری رہا۔
واضح رہے کہ 16 سال قبل ریلیز ہونے والی امتیاز علی کی فلم جب وی میٹ باکس آفس پر کامیاب ثابت ہوئی تھی۔
I JUST MET SHAHID KAPOOR !!
Last day last show of jab we met, and during mauja hei mauja, he just entered the theater to meet us😭😭😭
Still can't comprehend wtf just happened but never thought this would happen😭✨️
This guy just made jab we met more special for me💝😭 pic.twitter.com/6QR72qd0IZ— hello from the other side💖🏳️🌈 (@shubhangiojha16) February 16, 2023
جب وی میٹ میں شاہد کپور اور کرینہ کپور نے مرکزی کردار ادا کیا تھا، شاندار اداکاری پر کرینہ کپور کو فلم فیئر ایوارڈ بھی دیا گیا تھا۔
شاہد کپور نے حال ہی میں فلم ’فرضی‘ میں اداکاری کے جوہر دکھائے تھے جبکہ کرینہ کپور نے عامر خان کی فلم لال سنگھ چڈھا میں مرکزی کردار نبھایا تھا۔