بھارت میں کتے نے ہیلمٹ پہن کر موٹر سائیکل پر سفر کیا جس کی ویڈیو سوشل میڈیا پر وائرل ہوگئی۔
موٹر سائیکل سوار ٹریفک پولیس کی جانب سے چالان سے بچنے کے لیے ہیلمٹ پہن کر موٹرسائیکل چلاتے ہیں لیکن کیا کبھی آپ نے کسی جانور کو موٹرسائیکل پر ہیلمٹ پہنے سفر کرتے دیکھا ہے۔
یہ دیکھ کر آپ حیران رہ جائیں گے ایک شخص نے موٹر سائیکل چلاتے وقت خود تو ہیلمٹ پہنا ہی ساتھ ہی اپنے ساتھ موجود کتے کو بھی ہیلمٹ پہنا دیا۔
ریاست تامل ناڈو کے شہر چنئی کے شمال مغربی علاقے کا ایک شخص اپنے پالتو کتے کے ساتھ موٹر سائیکل پر نکلا۔
Rule is rule..😜#WhatsApp #instagramdown #TamilNadu pic.twitter.com/g47mB5mEfY
— Mohammed Nayeem (@PMN2463) May 23, 2023
قواعد کے مطابق ایک اصول ہے کہ گاڑی پر سفر کرنے والوں کو ہیلمٹ ضرور پہننا چاہیے لیکن جانوروں کے لیے کوئی اصول نہیں ہے لیکن اپنے پالتو کتے سے محبت کی وجہ سے موٹرسائیکل سوار نے اسے بھی ہیلمٹ پہنا دیا۔
اس ویڈیو پر صارفین الگ الگ ردعمل کا اظہار کر رہے ہیں۔ ایک صارف نے اپنی رائے بتاتے ہوئے کہا کہ اگر آپ کسی سے پیار کرتے ہیں اور ان کا خیال رکھتے ہیں تو وہ اپنے ساتھی کو بائیک پرسواری کے دوران ہیلمیٹ پہناتے ہیں۔
دوسرے صارف نے لکھا کہ ’کتے سے لوگوں کو سبق سیکھنے کی ضرورت ہے۔‘