حیدرآباد: بھارت کے مہاراشٹر کے ایک اسکول کا ویڈیو سوشل میڈیا پر تیزی سے وائرل ہورہا ہے، جس میں اسکول کے طالب علم ’ٹیچرز ڈے‘ پر اپنی ٹیچر کو انوکھے انداز میں سرپرائز دے رہے ہیں۔
بھارتی میڈیا رپورٹس کے مطابق طلبہ نے ٹیچرز ڈے کے موقع پر آپس میں لڑائی کا ڈرامہ کیا، لڑائی کی آواز سن کر خاتون ٹیچر نے کلاس کی طرف دوڑ لگادی، ٹیچر کے کلاس میں پہنچنے پر تمام طلبہ نے اپنی ٹیچر کا والہانہ استقبال کرتے ہوئے انہیں سرپرائز دیا، اس دوران انہیں گلدستہ بھی پیش کیا گیا۔
مذکورہ اسکول سے دسویں جماعت کے طالب علم سرگم کی جانب سے انسٹاگرام پر واقعے کی ویڈیو شیئر کی گئی، جسے اب تک 5 کروڑ سے زیادہ بار دیکھا جا چکا ہے۔
View this post on Instagram
سوشل میڈیا صارفین کی جانب سے اس ویڈیو کو کافی پسند کیا جارہا ہے، جبکہ صارفین اپنے تبصروں کے ذریعے استاد اور طالب علم دونوں کی ستائش کر رہے ہیں۔
شہری کا موٹر سائیکل سے محبت کا منفرد انداز، ویڈیو وائرل
ایک صارف نے کہا کہ لڑائی کی خبر سن کر ٹیچر جس طرح کلاس روم کی طرف بھاگی اس سے اندازہ ہوتا ہے کہ وہ اسٹوڈنٹس کا بہت زیادہ خیال رکھتی ہیں، جو بہت اچھی بات ہے۔
