بھارت میں بغیر ڈرائیور کے ٹریکٹر خود بخود چل پڑا اور اسٹور میں تباہی مچادی جس کی ویڈیو سوشل میڈیا پر وائرل ہورہی ہے۔
بالی ووڈ فلم ٹارزن میں گاڑی کو بغیر کے ڈرائیور کے لوگوں کی جان لیتے دکھایا گیا تھا جبکہ 1983 میں ہالی ووڈ فلم کرسٹین میں گاڑی کے خود بخود چلنے کے مناظر دیکھے گئے۔
تاہم بھارتی ریاست اترپردیش میں کے ضلع بجنور میں اسی طرح کا منظر اصل میں دیکھا گیا جس کی ویڈیو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ شیشے کے دروازے کو توڑ کر ٹریکٹر اسٹور میں جاگھسا اور وہاں موجود موٹر سائیکل اور سائیکل کو نقصان پہنچایا۔
یہ سارا منظر دیکھ کر کیش کاؤنٹر پر بیٹھا شخص فوری بھاگتا ہے اور ٹریکٹر کو بند کرنے کی کوشش کرتا ہے لیکن اتنی دیر میں ٹریکٹر نقصان پہنچا چکا ہوتا ہے۔
#Tarzan #tractor #bijnaur #CCTV #बिजनौर में जब बिना चालक के अचानक चल पड़ा ट्रैक्टर pic.twitter.com/MCl6RK3ORE
— Preety Pandey Bhardwaj (@prreeti1) March 3, 2023
بعدازاں اس شخص نے ساتھ مزید لوگوں نے ٹریکٹر کے تار کاٹ کر اسے بند کیا۔ خوش قسمتی سے اس حادثے میں کسی کو کوئی نقصان نہیں پہنچا۔
ویڈیو سوشل میڈیا پر وائرل ہورہی ہے اور صارفین کی جانب سے اس پر تبصرے بھی کیے جارہے ہیں۔
