مکہ مکرمہ میں گزشتہ روز ہونے والی موسلا دھار بارش کے باعث سڑکیں زیر آب آگئیں، جبکہ مسجد الحرام میں عمرہ زائرین بارش کے دوران بھی (طوافِ کعبہ) اللہ کی عبادت میں مصروف رہے۔
بین الاقوامی خبر رساں ادارے کی رپورٹ کے مطابق ویڈیو میں دیکھا جاسکتا ہے کہ دوران بارش صحن حرم میں زائرین دعائیں مانگ رہے ہیں اور (طوافِ کعبہ) میں مصروف ہیں۔
حرمین شریفین انتظامیہ کی جانب سے مسجد الحرام کی خدمت پر مامور متعدد سرکاری اداروں کے تعاون سے مسجد الحرام میں بارش کے مسائل سے نمٹنے کے لیے ہنگامی سکیموں پر عمل درآمد شروع کررکھا ہے۔
لقطات للأمطار الغزيرة في الحرم المكي#الإخبارية pic.twitter.com/JCGAAaDJ6r
— قناة الإخبارية (@alekhbariyatv) August 21, 2024
انتظامیہ کا کہنا ہے کہ کوشش ہے کہ زائرین کی سلامتی کو یقینی بنایا جائے اور عبادت کے لئے آنے والوں کو کسی قسم کی مشکل کا سامنا نہ کرنا پڑے۔
قطر ایئرویز کی جانب سے مسافروں کے لیے بڑی خوشخبری
انتظامیہ کی جانب سے بارش کے دوران مطاف، داخلی راستوں اور نماز کے مقامات کو فوری طور پر پانی کی نکاسی اور فرش خشک کیے جانے کو یقینی بنایا جارہا ہے۔
