خاتون مصروف سڑک کے قریب رقص کی ویڈیو ریکارڈ کرنے میں مصروف رہی اور کمسن بچہ موت کے منہ میں جانے سے بال بال بچ گیا۔
بھارتی میڈیا رپورٹ کے مطابق ماں مصروف شاہراہ پر رقص کی ویڈیو ریکارڈ کرنے کی ویڈیو سوشل میڈیا پر اس وقت وائرل ہوگئی جب اس کا چھوٹا بچہ ٹریفک حادثے میں بال بال بچ گیا کیونکہ بچے کے بھائی نے ماں کو بروقت آگاہ کردیا۔
ویڈیو میں دیکھا جاسکتا ہے کہ خاتون رقص کرتے ہوئے ویڈیو بنانے میں مصروف ہیں اسی دوران بچہ ماں کو اطلاع دیتا ہے کہ چھوٹا بھائی سڑک کی جانب جا رہا ہے۔
ماں جب یہ دیکھتی ہے تو بھاتے ہوئے کمسن بیٹے کو بچانے کے لیے دوڑ لگادیتی ہے اور وہ ممکنہ حادثے سے بچ جاتا ہے۔
سوشل میڈیا صارفین کی جانب سے خاتون کی لاپرواہی پر اسے تنقید کا نشانہ بنایا جارہا ہے۔
ایک صارف نے لکھا کہ ’یہ بالکل غیرذمہ دارانہ فعل ہے۔‘ دوسرے صارف نے کہا کہ ’آج کل لوگ ریل بنانے میں اتنے مگن ہوگئے ہیں کہ انہیں اپنے بچوں کی پرواہ نہیں ہے، اگر چھوٹا بچہ اشارہ نہ کرتا تو آج یہ عورت اپنا بچہ کھو دیتی۔‘
تیسرے صارف نے لکھا کہ ’بڑا حادثہ ٹل گیا۔‘ ایک اور صارف کا کہنا تھا کہ ’اس ننھے بچے کا بھائی اپنی ماں سے زیادہ ہوشیار ہے۔‘
