نومنتخب امریکی صدر ڈونلڈ ٹرمپ کی پوتی کائی ٹرمپ کی اپنے دادا کے ڈانس کی نقل کرتے ہوئے ویڈیو سوشل میڈیا پر وائرل ہوگئی۔
بین الاقوامی خبر رساں ادارے کی رپورٹ کے مطابق ڈونلڈ ٹرمپ کی پوتی کائی ٹرمپ نے اپنے دادا کے مشہور رقص کے انداز کو اپناتے ہوئے ڈانس کیا، جس کو انہوں نے اپنے سوشل میڈیا اکاؤنٹ سے شیئر بھی کردیا۔
سوشل میڈیا پر شیئر کی گئی ویڈیو میں دیکھا جاسکتا ہے کہ ٹرمپ کی پوتی اور ان کی دوست ٹرمپ کے گالف اسٹروک اور ان کے مشہور تھمز اپ اشارے کو کاپی کررہی ہیں۔
سوشل میڈیا صارفین نے ان کی تعریف کرتے ہوئے کہا کہ کوئی آپ کے دادا جیسا نہیں کر سکتا، لیکن آپ قریب ہیں۔
دوسری جانب امریکا کے نومنتخب صدر ٹرمپ کے خلاف 6 جنوری کا مقدمہ ختم کردیا گیا ہے۔
اسپیشل کونسل جیک اسمتھ نے ٹرمپ کے خلاف کیس ختم کرنے کا اعلان کرتے ہوئے کہا کہ وہ الزامات پر قائم ہیں مگر محکمہ انصاف کی پالیسی صدر کے خلاف کارروائی کرنے سے منع کرتی ہے۔
ایران نے جوہری پروگرام پر بات چیت کیلئے رضامندی ظاہر کردی
یاد رہے کہ ٹرمپ کے خلاف رواں سال اگست میں جیک اسمتھ کی جانب سے 2020 کے صدارتی الیکشن میں نتائج پلٹنے کی کوششوں سے متعلق ایک نئی فردِ جرم دائر کی گئی تھی۔
