ازبک گرینڈ ماسٹر نودیربیک نے بھارتی خاتون حریف آرو وشالی سے ہاتھ ملانے سے انکار کر دیا جس پر انڈیا میں واویلا مچ گیا۔
سوشل میڈیا پر تیزی سے ایک ویڈیو وائرل ہو رہی ہے۔ جس میں ازبک گرینڈ مارسٹر نودیربیک یعقوببیوف کے بھارتی خاتون حریف آر وشالی سے مصافحہ سے انکار کرتے ہوئے دیکھا جا سکتا ہے۔
ویڈیو میں دیکھا جا سکتا ہے کہ نودیربیک جیسے ہی کھیلنے کے لیے میز پر آتے ہیں تو ان کی بھارتی حریف مصافحہ کے لیے ہاتھ آگے بڑھاتی ہے، مگر وہ شائستگی کے ساتھ اشارے سے ہاتھ ملانے سے انکار کرتے ہوئے اپنی نشست پر بیٹھ جاتے ہیں۔
یہ واقعہ ٹاٹا اسٹیل شطرنج ٹورنامنٹ کے دوران پیش آیا۔ ویڈیو وائرل ہوتے ہی انڈیا میں ازبک کھلاڑی کے خلاف واویلا اور منفی پروپیگنڈا شروع کر دیا گیا۔
بعد ازاں ازبک کھلاڑی نے اس واقعے سے متعلق ایکس پر ایک طویل وضاحتی پیغام جاری کرتے ہوئے کہا کہ ان کے وشالی سے ہاتھ نہ ملانے کی وجہ کسی کی توہین کرنا نہیں تھا، بلکہ ان کا یہ رویہ مذہبی وجوہات پر مبنی تھا۔
انکا کہنا تھا کہ میں بھارتی شطرنج کھلاڑی کا مکمل احترام کرتے ہوئے یہ بتانا چاہتا ہوں کہ میں مذہبی وجوہات کی بنا پر دوسری خواتین کو ہاتھ نہیں لگاتا۔
ویسٹ انڈیز سے شکست: پاکستان ٹیم پستی کی اتھاہ گہرائیوں میں جا پہنچی
