بھوکے ریچھ گاؤں میں گھسنے پر خوف و ہراس پھیل گیا، مکینوں نے اپنی مدد آپ کے تحت بھپرے ریچھوں کو بے دخل کر دیا۔
یہ واقعہ بھارتی ریاست اڈیشا کے علاقے عمرکوٹ میں پیش آیا جو ضلع نبرنگ پور کا حصہ ہے اور جنگلات کے گرد گھرا ہوا ہے۔
جنگل کے قریب ہونے کی وجہ سے کئی باہر جنگلی جانور خوراک کی تلاش میں نزدیکی علاقوں میں گھس آتے ہیں اور تباہی پھیلاتے ہیں۔
Two wild bear 🐻 entered into village, #Ummarkot, #Nabrangpur district. People were trying to drive out those wild bear.@DNabarangpur pic.twitter.com/cCSpX7FQRj
— Manas Behera. ANI (@manasbehera07) January 19, 2022
مذکورہ علاقےکی سوشل میڈیا پر ایک ویڈیو سامنے آئی ہے جس میں دو ریچھ اپنی بھوک مٹانے کے لیے بھاگتے ہوئے گاؤں میں داخل ہوتے ہیں جس سے خوف و ہراس پھیل جاتا ہے۔
جنگلی ریچھوں کو بھاگنے کے لیے ایک شخص آگ کا آلاؤ لیے ان کے پیچھے دوڑتا ہے اور اس کی یہ مہم کامیاب ہوتی ہے۔ ریچھ بغیر کسی کو نقصان پہنچائے گاؤں سے نکل کر جنگل کی حدود میں چلتے جاتے ہیں۔
