خاتون نے بیکری میں گھسنے والے چور کو صفائی کے کپڑے سے مار بھگایا جس کی ویڈیو سوشل میڈیا پر وائرل ہوگئی۔
مذکورہ واقعہ نیدرلینڈز میں پیش آیا جہاں خاتون کی بیکری میں چاقو ہاتھ میں لیے چور آیا جسے دیکھ کر خاتون نے صفائی کا کپڑا اٹھایا اور اسے مارنا شروع کردیا۔
وائرل ویڈیو میں دیکھا جاسکتا ہے کہ خاتون چور سے ڈری نہیں بلکہ اس کے چہرے پر اسپرے چھڑکا اور صفائی کے کپڑے سے مارتے ہوئے اس کی درگت بنادی۔
ویڈیو میں چور کو اپنا چہرہ چھپاتے اور خاتون کی پٹائی سے بچتے ہوئے دیکھا جاسکتا ہے۔
اسی اثنا میں چور بچ کر بھاگنے لگتا ہے تو اسے ایک شخص پکڑنے کی کوشش کرتا ہے لیکن وہ فرار ہونے میں کامیاب ہوجاتا ہے۔
Latife Peker, a turkish baker in the Netherlands, chased the thief, using a cleaning cloth in self-defense; don't underestimate the power of cleaning cloth👏 pic.twitter.com/4togC4JH5M
— Tansu YEĞEN (@TansuYegen) July 28, 2022
مذکورہ ویڈیو ٹویٹر پر شیئر کی گئی جسے اب تک ہزاروں صارفین دیکھ چکے ہیں۔
سوشل میڈیا صارفین چور کی حرکت پر مسکرا رہے ہیں جبکہ خاتون کی بہادری کی تعریف کررہے ہیں۔
