بنگلا دیش میں شیخ حسینہ واجد کی حکومت تختہ اُلٹنے کے بعد بھی مظاہروں کا سلسلہ جاری ہے، مظاہروں کے درمیان بھارتی کرکٹر ویرات کوہلی کے ہم شکل کی ویڈیو سوشل میڈیا پر گردش کررہی ہے، جس میں اُسے نعرے بازی کرتے دیکھا جاسکتا ہے۔
سوشل میڈیا پر وائرل ہونے والی ویڈیو میں کوہلی کے ہم شکل کو دیکھا جاسکتا ہے جسے بنگلادیشی نوجوانوں نے کندھے پر اٹھایا ہوا ہے اور وہ نعرے بازی کرنے میں مصروف ہے۔
ویرات کوہلی کے ہم شکل شخص نے انڈین پریمیئر لیگ کی فرنچائز رائل چیلنجز بنگلورو کی کیپ پہنی ہوئی ہے۔
ویڈیو دیکھ کر ایسا معلوم ہوتا ہے کہ کہ شاید یہ ویرات کوہلی ہی ہے، کیونکہ کوہلی کا ہم شکل شخص کوہلی سے بہت زیادہ مشابہت رکھتا ہے۔
بھارتی میڈیا کا اس حوالے سے کہنا ہے کہ مذکورہ ویڈیو 5 اگست کی ہے جب حسینہ واجد کی جانب سے مستعفی ہونے اور بھارت فرار ہونے کی خبر سامنے آئی تھی جس کے بعد بنگلادیشی عوام کی بڑی تعداد سڑکوں پر جشن منانے کے لئے پہنچ گئی تھی۔
بنگلہ دیش میں مظاہرے، شائقین شکیب الحسن پر برس پڑے
کوہلی کے ہم شکل کی ویڈیوکی سوشل میڈیا پر دھوم مچی ہوئی ہے اور صارفین اس حوالے سے دلچسپ ردعمل کا اظہار کیا جارہا ہے۔
