بھارتی کرکٹ ٹیم کے اسٹار بلے باز اور سابق کپتان ویرات کوہلی کی ڈیپ فیک ویڈیو سوشل میڈیا پر گردش کررہی ہے۔
بھارتی میڈیا رپورٹس کے مطابق سابق کپتان ویرات کوہلی کی ایک ویڈیو سوشل میڈیا پر وائرل ہورہی ہے، جس میں وہ ساتھی کرکٹر شبمن گل پر تنقید کررہے ہیں۔
سابق کپتان کی ڈیپ فیک ویڈیو کو انٹرنیٹ صارفین نے سوشل میڈیا پر جعلی قرار دیا اور ساتھ ہی کہا کہ آرٹیفیشل انٹیلی جنس (اے آئی) بہت ہی خطرناک ہے۔
AI is Dangerous pic.twitter.com/njUvwiwc4t
— Cricketopia (@CricketopiaCom) August 27, 2024
بھارتی کرکٹ سرکٹ میں کوہلی اور ٹنڈولکر کے درمیان موازنے میں مسلسل اضافہ ہورہا ہے، 35 سالہ کرکٹر کو متعدد چاہنے والوں نے ’اب تک کا عظیم کھلاڑی‘ قرار دیا ہے جبکہ کچھ نے ماسٹر بلاسٹر کو بھارت کا اب تک کا بہترین بیٹر قرار دیا۔
اس نئی بحث میں ایک نئی شخصیت بھی شامل ہوگئی ہے، وہ ہے 24 سالہ نوجوان بلے باز شبمن گل جس نے اپنے ٹیلنٹ، شاندار تکنیک اور کئی بار کی شاندار پرفارمنس سے کرکٹ شائقین کے دل جیت لئے ہیں۔
سوشل میڈیا پر وائرل ہونے والی جعلی ویڈیو میں دیکھا جاسکتا ہے کہ سابق کپتان نوجوان کرکٹر کا نام لے کر انہیں ہدف تنقید بنارہے ہیں، وہ کہتے ہیں، بہت اچھا کھیلنے اور لیجنڈ بننے میں بہت واضح فرق ہوتا ہے۔
بابر اعظم کی ٹیسٹ رینکنگ میں 6 درجے تنزلی، کس نمبر پر آگئے؟
ویڈیو میں سابق بھارتی کپتان نے مزید کہا کہ میں نے شبمن گل کو بہت قریب سے دیکھا ہے، وہ باصلاحیت ہے، اس کی تکنیک بہت شاندار ہے، لوگ اُسے آئندہ وقت کا ویرات کوہلی کہہ رہے ہیں، لیکن لوگوں کو سمجھنا ہوگا کہ کوہلی صرف ایک ہے۔
