بدھ, مئی 22, 2024
اشتہار

ویرات کوہلی کو کریز پر موجود ساتھی کھلاڑی پر غصہ آگیا، ویڈیو وائرل

اشتہار

حیرت انگیز

بھارتی کرکٹ ٹیم کے سابق کپتان ویرات کوہلی نے بالآخر 3 سال کے وقفے کے بعد ٹیسٹ سنچری اسکور کی۔

ویرات کوہلی نے آسٹریلیا کے خلاف احمد آباد میں 4  ٹیسٹ میچز پر مشتمل سیریز کے آخری ٹیسٹ میں سنچری اسکورکی، یہ ان کے ٹیسٹ کیریئر کی 28 ویں اور انٹرنیشنل کیریئر کی 75 ویں سنچری تھی۔

آسٹریلوی ٹیم چوتھے ٹیسٹ کی پہلی اننگز میں 480 رنز بناکر آؤٹ ہوئی، جواب میں بھارتی بیٹر نے بھی خوب جم کر بیٹنگ کی جہاں ویرات کوہلی نے شاندار سنچریاں اسکور کیں۔

- Advertisement -

ہوا کچھ یوں کہ کریز پر ویرات کوہلی کا ساتھ رویندر جڈیجہ دے رہے تھے لیکن ان کے آؤٹ ہونے کے بعد وکٹ کیپر و بیٹر بھرت کریز پر آئے، بھرت نے کوہلی کا بھرپور ساتھ دیا اور 44 رنز کی شاندار اننگز کھیلی۔

تاہم میچ میں ایک ایسا لمحہ آیا جب ویراٹ کوہلی کو ساتھی کھلاڑی پر غصہ کرتے ہوئے دیکھا گیا، چوتھے دن کے کھیل میں 134 ویں اوور میں ویرات کوہلی شاٹ کھلتے ہوئے سنگل رنز کے لیے بھاگے، لیکن بھرت رنز کے لیے آگے نہیں بڑھا جس کے بعد کوہلی بھی پیچھے ہوگئے۔

 اس دوران ویرات کوہلی کو غصہ آگیا اور وہ چیختے ہوئے پیچھے کی طرف ہوئے، غصہ آنے کی وجہ یہ تھی کہ کوہلی کو سنچری کرنے کے لیے کچھ رنز درکار تھے، اگر وہ اسٹمپ ہوجاتے تو  3 سال کے بعد بھی سنچری سے محروم رہتے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں