نئی دہلی : پاکستان سے شکست کے بعد مسلمان بھارتی کرکٹر محمد شامی کی حمایت کپتان ویرات کوہلی بھی میدان میں آگئے۔
پاکستان سے عبرتناک شکست کے بعد بھارت کے ہندو انتہا پسندوں نے ہار کا ملبہ مسلمان بھارتی فاسٹ بولر محمد شامی پر ڈالتے ہوئے انہیں باغی قرار دیکر ملک بدر کرنے کی نفرت انگیز مہم شروع کردی گئی تھی، جس کی سابق بھارتی کرکٹرز و صحافیوں نے شدید مخالفت کی۔
بھارتی کپتان ویرات کوہلی نے بھی محمد شامی کی حمایت کرتے ہوئے کہا کہ مذہب کی بنیاد پر کسی کو نشانہ بنانا انتہائی افسوسناک ہے۔
کوہلی نے کہا کہ چند بزدل لوگ سوشل میڈیا کے ذریعے ہمارے کھلاڑیوں پر حملہ کرتے ہیں وہ بھی اپنی شناخت کو پوشیدہ رکھ کر، وگرنہ اتنی ہمت کسی میں نہیں کہ ہمارے منہ ایسی باتیں کرسکیں۔
بھارتی کرکٹ ٹیم کے کپتان کا کہنا تھا کہ کسی سے مذہبی بنیاد پر نفرت کرنا قابل افسوس ہے، ہم محمد شامی کی 200 فیصد حمایت کرتے ہیں۔
🗣️ @imVkohli: Attacking someone over religion is the most pathetic thing human being can do
The #India captain stands fully in support with Mohammed Shami after the bowler was targeted on social media after the loss to #Pakistan #T20WorldCup pic.twitter.com/Yxxj5jpIFV
— ESPNcricinfo (@ESPNcricinfo) October 30, 2021
خیال رہے کہ آئی سی سی ٹی ٹوئنٹی ورلڈ کپ کے گروپ 12 میچز میں پاکستان نے بھارت کو 10 وکٹوں سے تاریخی شکست دی تھی۔