بھارت کے سابق بیٹر وریندر سہواگ آئی پی ایل کے رواں سیزن میں برُی طرح ناکام ہونے والے دو نامور غیرملکی کھلاڑیوں پر برس پڑے۔
کرکٹ ویب سائٹ سے گفتگو کرتے ہوئے سہواگ نے گلین میکسویل اور لیام لیونگسٹن کی بدترکارکردگی پر انہیں سخت تنقید کا نشانہ بنایا۔
انہوں نے کہا کہ یہ لوگ یہاں چھٹیاں منانے آتے ہیں، بس تھوڑا فن کرتے ہیں اور چلے جاتے ہیں، ان میں ٹیم کے لیے لڑنے کی کوئی واضح خواہش نظر نہیں آتی۔
گلین میکسویل جو اپنی دھواں دھار بلے بازی اور گیم چینجنگ کے لیے مشہور ہیں، اس بار کے ایڈیشن میں ان کی کارکردگی انتہائی شرمناک رہی ہے۔ آسٹریلوی آل راؤنڈر نے چھ میچوں میں صرف 41 رنز بنائے ہیں۔
دوسرے لیام لیونگسٹن جو کہ جارحانہ بیٹنگ کے ساتھ ساتھ پارٹ ٹائم اسپنر بھی ہیں، کوئی خاطر خواہ کارکردگی نہیں دکھا سکے۔
انہوں نے 7 میچوں میں صرف 87 رنز بنائے ہیں جس پر رائل چیلنجر بنگلور نے 8کروڑ 75 لاکھ روپے خرچ کیے ہیں۔
