بالی ووڈ اداکار ویویک اوبرائے نے سلمان خان ، ایشوریہ رائے اور ان کے شوہر ابھیشیک بچن پر تبصرہ کردیا۔
بالی ووڈ میں مہینوں تک بے روزگار رہنے کے بعد اداکاری سے کاروبار میں میں منتقل ہونے والے اداکار ویویک اوبرائے نے انڈسٹری میں قدم رکھتے ہوئے اپنی جدوجہد کا انکشاف کیا۔
انہوں نے انڈسٹری میں تعلقات، ٹوٹ پھوٹ اور فلم انڈسٹری میں لابیوں کا سامنا کرنے کے تجربے پر گفتگو کی۔
ویویک اوبرائے نے کہا کہ اگر میں کاروبار نہ کرتا تو شاید خود پلاسٹک بن جاتا، پلاسٹک کی مسکراہٹ والے لوگوں میں رہ کر، اگر لوگ مجھے اب ٹرول کرتے ہیں تو مجھے کوئی فرق نہیں پڑتا چونکہ میں زندگی میں اپنے مقصد کو جانتا ہوں، میں جانتا ہوں کہ میرے لیے سب سے اہم کیا ہے۔
چیٹ کے دوران جب ان سے ایشوریہ رائے اور سلمان خان کے بارے میں تبصرہ کرنے کو کہا گیا تو ویویک اوبرائے صرف اتنا کہا کہ ’خدا ان کا بھلا کرے۔‘
ویویک اوبرائے نے ابھیشیک بچن سے متعلق کہا کہ وہ ایک پیارے اور اچھے انسان ہیں۔
اداکار نے مشہور شخصیات کی ذاتی زندگیوں کی طرف توجہ دلاتے ہوئے کہا کہ تجربہ عالمی خبر بن جاتا ہے، آپ کا بریک اپ بھی انٹرنیشنل نیوز بن جاتا ہے۔
انہوں نے اپنے سابق پارٹنر کا نام لیے بغیر کہا کہ ’وہ بدسلوکی کے تعلقات میں رہے ہیں۔‘
