روس میں تین روزہ انتخابات کا آغاز ہوگیا ہے، ووٹنگ کا آغاز جزیرہ نما کم چاٹکا سے ہوا۔
غیر ملکی ذرائع ابلاغ کے مطابق صدر پوٹن چھ سال کی ایک اورمدتِ صدارت کی خواہش رکھتے ہیں، ووٹنگ کا اختتام اتوار کو پولینڈ اور لیتھونیا کے نزدیک کالیننگراڈ کے علاقے میں ہوگا۔
صدارتی انتخابات میں چار میں سے تین امیدواروں کا تعلق ایوان زیریں ڈوما سے ہے، صدربننے کے خواہشمند الیکسی نوالنی پراسرار موت کا شکار ہوچکے ہیں۔ دو امیدواروں کے کاغذات کو مسترد کردیا گیا ہے۔
روسی صدر ولادیمیر پیوٹن کا کہنا ہے یہ ملک میں انتہائی اہم الیکشن ہے، اس کے نتائج آئندہ برسوں میں روس کی ترقی پر براہ راست اثرات مرتب کریں گے۔
امریکا اور اسرائیل میں لفظی جنگ شدید ہو گئی
روسی حکومت نے صدارتی انتخابات کے موقع پر ترجمان محکمہ خارجہ سمیت دو سو ستائیس امریکی شہریوں پر ملک میں داخلے پر پابندی لگا دی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں