واشنگٹن: بین الاقوامی ریل کمپنی کے وفد نے امریکا میں پاکستانی سفیر سردار مسعود خان سے ملاقات کے دوران پاکستان ریلوے کو جدید خطوط پر استوار کرنے کی پیشکش کی۔
تفصیلات کے مطابق امریکا میں پاکستانی سفیر سردار مسعود خان سے عالمی ریل کمپنی کے وفد کی ملاقات ہوئی، ملاقات میں عالمی ریل کمپنی نے پاکستان ریلوے کو جدید خطوط پر استوار کرنے کی پیشکش کی۔
ملاقات میں وفد نے پاکستانی سفیر کو پاکستان میں کاروباری سرگرمیوں اور تعاون پر بریفنگ دی، بریفنگ میں بتایا گیا کہ کمپنی کی جانب سے پاکستان ریلویز کو 153 انجن فراہم کیے جا چکے ہیں۔
Gokhan Bayhan, GM @WabtecCorp , and his team met today to offer options for modernization of Pakistan Railways. Wabtec represents top brand General Electric which has supplied 153 locomotives to PR. His team will visit Pakistan 🇵🇰 soon. @PakinUSA pic.twitter.com/jWLblEPlkJ
— Masood Khan (@Masood__Khan) June 17, 2022
ملاقات میں انجینئرنگ اور سروسز کے شعبے میں بھی فراہم کردہ تعاون پر بات چیت ہوئی، پاکستانی سفیر نے ویب ٹیک کی جانب سے پاکستان ریلویز کے ساتھ تعاون کو سراہا۔
مسعود خان کا کہنا تھا کہ ریل کمپنیوں کے لیے سرمایہ کاری کے بے انتہا مواقع پیدا ہوئے ہیں، ہم کمپنی کے تجربات اور صلاحیتوں سے استفادے کے خواہاں ہیں۔